Barrierë kundër informalitetit, në mbrojtje të shëndetit të publikut!
![Barrierë kundër informalitetit, në mbrojtje të shëndetit të publikut!](https://prefektiqarkutgjirokaster.gov.al/wp-content/uploads/2022/02/272453307_299122015577553_6653369993558610106_n.jpg)
Prefekti i Qarkut Gjirokastër z. Odise KOTE në analizën vjetore të I.SH.SH rajoni i Gjirokastrës, ka vlerësuar pozitivisht aktivitetin e veprimtarinë e këtij Inspektoriati në mbrojtje të shëndetit të qytetarëve.
Rezultatet e arritura gjatë vitit 2021 në përballimin e situatës së pandemisë, përfshirja në Task – Force të Prefektit të Qarkut, përmirësimi i vijueshëm i treguesve shēndetësorë e të shëndetit publik dhe ato ekonomikë në rajon, zbatimi me korrektësi i detyrimeve ligjore të protokolleve shëndetësore nga subjektet privatë e shtetërorë, si dhe ndërgjegjësimi, edukimi i publikut me standarte jetese e sjelljeje – të njëjta me ato të vendeve të Bashkimit Europian, janë një bazë e qëndrueshme për të rritur cilësinë e këtij shërbimi kaq të rëndësishëm ndaj publikut.
Prefekti Kote ka kërkuar nga drejtuesit dhe inspektorët që ky Inspektoriat, si instrumenti më i rëndësishëm ligjor në mbrojtje të shëndetit të publikut të jetë Barriera e Pakapërcyeshme ndaj informalitetit, abuzimit, manipulimit e mashtrimit.
Puna dhe aktiviteti i këtij Inspektoriati nuk është e thjeshtë e mekanike, por komplekse, ligjore, që lidhet me traditën dhe situatën sociale, psikologjinë e qytetarëve, masat organizative, bashkëpunimin me Njësitë e V.V, Institucionet e drejtoritë rajonale, me OJF-të e vetë komunitetin. Për këtë qëllim kërkohet kuptim më i gjerë i detyrës funksionale dhe qasje bashkëkohore.
Të gjithë sëbashku, në një front, nuk duhet të lejojmë sofistikimin e paligjshmërisë, por të luftojmë që përmes fuqisë së ligjit, argumentit moral e qytetar, veprimit të koordinuar e transparent të japim shembujt e duhur të një shoqërie që dëshiron një jetë të shëndetshme, të mbrojtur e të pastër.
Sëbashku si një Ekip në mbrojtje të jetës së qytetarit dhe shëndetit të publikut!
![](https://scontent.ftia2-1.fna.fbcdn.net/v/t39.30808-6/s600x600/272428871_299121935577561_1641669545033767663_n.jpg?_nc_cat=102&ccb=1-5&_nc_sid=8bfeb9&_nc_ohc=0_MxoqM2IBQAX_bJLZE&_nc_ht=scontent.ftia2-1.fna&oh=00_AT-v3dxEcsPmrzDxFUEHBFkqnSgUNFA5H92KUmw6y-qMuQ&oe=621912E1)
![](https://scontent.ftia2-1.fna.fbcdn.net/v/t39.30808-6/s600x600/272605556_299121978910890_5002680245307853827_n.jpg?_nc_cat=107&ccb=1-5&_nc_sid=8bfeb9&_nc_ohc=d4i7Iz0GiO0AX8dNs5M&_nc_ht=scontent.ftia2-1.fna&oh=00_AT_vyKtP_-Q-RVzE-rnn-G_iLSGET8zeekEnyXCYIVRBNA&oe=62185F7B)
![](https://scontent.ftia2-1.fna.fbcdn.net/v/t39.30808-6/s600x600/272453307_299122015577553_6653369993558610106_n.jpg?_nc_cat=111&ccb=1-5&_nc_sid=8bfeb9&_nc_ohc=tsgbtvDvS2oAX_rIJrC&_nc_ht=scontent.ftia2-1.fna&oh=00_AT8yExupgwmO7dDzRX0-t-3zi0qHJGoh7GVYgMFPJXHS_w&oe=621887D0)
![](https://scontent.ftia2-1.fna.fbcdn.net/v/t39.30808-6/s600x600/272616377_299122102244211_7244370952028929634_n.jpg?_nc_cat=111&ccb=1-5&_nc_sid=8bfeb9&_nc_ohc=xUdsSfVBeGoAX_6o-qX&tn=ZCYYBvhoQTiGwAWB&_nc_ht=scontent.ftia2-1.fna&oh=00_AT9vWSlwEeu5FkQDn8Cg4ZLE37fSGprlkstPpE6hvR8K4A&oe=6218E5ED)
![](https://scontent.ftia2-1.fna.fbcdn.net/v/t39.30808-6/272550468_299122138910874_3028018480518738378_n.jpg?stp=dst-jpg_s600x600&_nc_cat=110&ccb=1-5&_nc_sid=8bfeb9&_nc_ohc=lwh-qn3k1kcAX-hfgtR&_nc_ht=scontent.ftia2-1.fna&oh=00_AT-Z59QGXFdrqY6zh7EQzdUEkyaj72QaU6QGd0xSKEWIHA&oe=62181CEB)