GËZUAR 28 NËNTORIN!
![GËZUAR 28 NËNTORIN!](https://prefektiqarkutgjirokaster.gov.al/wp-content/uploads/2021/12/261117317_264050852418003_942654264004820638_n.jpg)
KOMBI e ka Shtëpinë tek Gjuha dhe Flamuri!
GËZUAR 28 NĒNTORIN!
Prefekti i qarkut Gjirokastër z.Odise KOTE në bashkëpunim me Bashkinë Gjirokastër dhe Këshillin e qarkut Gjirokastër organizuan një sërë aktivitetesh me programe të larmishme, të titulluar: “Java e Flamurit”.
Koncerte, Festivali Folklorik Tipologjik Kombëtar i Iso-Polifonisë, ekspozita, promovime librash, shfaqje filmash, etj krijuan një atmosferë të veçantë në Gjirokastër për gjatë gjithë javës.
Sot aktivitetet kulmuan me homazhet në Memorialin e Rilindasve, për të vazhduar më tej me aktivitetin kulturor “Të Falem moj Arbëri”, zhvilluar në kinemanë e qytetit.
Një ekspozitë: “110 vjet – Histori shqiptare e kartëmonedhave ndër vite u prezantua për publikun e gjerë.
Prefekti i qarkut në fjalën e tij, mbajtur për këtë rast, u shpreh se nga 28 Nëntori i vitit 1912 kanë kaluar 109 vjet mbushur me ngjarje, me zhgënjime, shpresa, me ndalesa dhe arritje ku natyrshëm Shqipëria e ka bërë evolucionin e saj të jashtëzakonshëm në epokën e lirisë, por sfidat dhe përgjegjësitë mbeten ende të mëdha e krejt të përbashkëta.
Për çdo bashkëkombas sot është një ditë feste, por gjithashtu është edhe ditë e kujtesës kombëtare, e amanetit të madh që Rilindasit tanë na e lanë për detyrë ta përcjellim ndër breza.
Gēzuar 28 Nëntorin e Lirisë!
![](https://scontent.ftia2-1.fna.fbcdn.net/v/t39.30808-6/s600x600/261013737_264047392418349_4972402337799037771_n.jpg?_nc_cat=102&ccb=1-5&_nc_sid=8bfeb9&_nc_ohc=uQOAv5fYuuAAX9gNRq_&_nc_ht=scontent.ftia2-1.fna&oh=367bd38bfc5b5961fd3e45129fa31aed&oe=61BB96CD)
![](https://scontent.ftia2-1.fna.fbcdn.net/v/t39.30808-6/s600x600/260988746_264047445751677_5586903794504936048_n.jpg?_nc_cat=100&ccb=1-5&_nc_sid=8bfeb9&_nc_ohc=RyllLuskLawAX9WtvHl&_nc_ht=scontent.ftia2-1.fna&oh=34fc37f400f7f4af12ae2a445bf4b49f&oe=61BC4D40)
![](https://scontent.ftia2-1.fna.fbcdn.net/v/t39.30808-6/s600x600/260762526_264047495751672_7176492006601932058_n.jpg?_nc_cat=108&ccb=1-5&_nc_sid=8bfeb9&_nc_ohc=WC3557eKLT0AX8IhX5Z&_nc_ht=scontent.ftia2-1.fna&oh=6560e4cd05d4d970bddad3a19792bb8d&oe=61BB7931)
![](https://scontent.ftia2-1.fna.fbcdn.net/v/t39.30808-6/s600x600/261463453_264047549085000_6258491907333977726_n.jpg?_nc_cat=108&ccb=1-5&_nc_sid=8bfeb9&_nc_ohc=J3QMbz9qtMQAX-1fx9i&_nc_oc=AQlYLi2Mn1G94cAB7IvfL57itx6POB9AYEYY4TndWszVZMSklIqdeSnT-8hzSSkuaDo&_nc_ht=scontent.ftia2-1.fna&oh=296d68a459a3e29d95985265045e8e05&oe=61BB3B89)