Takimi i Komitetit Rajonal për Zhvillimin e Turizmit
![Takimi i Komitetit Rajonal për Zhvillimin e Turizmit](https://prefektiqarkutgjirokaster.gov.al/wp-content/uploads/2022/02/273753825_309017064588048_414430714311086930_n.jpg)
Gati për një zhvillim cilësor e sasior të turizmit në Qarkun Gjirokastër!
Prefekti i Qarkut Gjirokastër z. Odise KOTE në takimin e Komitetit Rajonal për Zhvillimin e Turizmit e vuri theksin në masat organizative, përgatitore dhe monitoruese për menazhimin sa më efektiv të sezonit turistik. Pritshmëritë për vitin 2022 janë tepër të larta e sfiduese e si të tilla, ato kërkojnë qasje të re në ambjentin turistik, në pastërtinë dhe sinjalistikën turistike, në ndërtimin e strategjive promovuese, në rritjen e kapaciteteve akomoduese dhe cilësinë e shërbimit, në plane dhe programe të mirë detajuara turistike.
Prefekti KOTE kërkoi nga të gjithë Bashkitë dhe Zyrat e turizmit e trashëgimisë kulturore marrjen e të gjithë masave që rrisin sigurinë dhe shërbimet ndaj vizitorëve vendas e të huaj dhe krijojnë një klimë mikpritjeje, bujarie dhe shërbimi qytetar.
Strategjitë e zhvillimit turistik në çdo bashki të jenë në partneritet të plotë, në ndërveprim dhe bashkëpunim promovues me të gjithë operatorët turistikë, shoqatat e OJF-të, me mediat lokale e kombëtare, me drejtoritë rajonale që sigurojnë shërbimet bazike si Qendrat shëndetësore, Spitali Rajonal, Drejtorinë e Policisë, Ujësjellësi, OSHE etj me synim që të gjithë sëbashku të sigurojmë një shërbim me standart të lartë në çdo orë e ditë të javës, përgjatë gjithë sezonit turistik.
Detyra të veçanta u përcaktuan nga Kryetare e Këshillit të Qarkut Lindita Rova, nga zj Jona Biba e Drejtorisë së Përgjithshme të Politikave të Zhvillimit të Turizmit dhe nga drejtuesja e Asamblesë së operatorëve turistikë të rajonit Gjirokastër Krsitina Fidhi për procesin e pjesëmarrjes në projekte që zhvillojnë turizmin, Projekte të Ministrisë së Mjedisit e Turizmit, Të ministrisë së Kulturës, të Ministrisë së Bujqësisë e Zhvillimit Rural, për hartimin e guidave të reja, fletë – palosjeve, trajnimin e administratorëve të sistemit të hotelerisë, për guidarët e terrenit, bujtinat, për turistët në fermat bujqësore e blegtorale etj.
Të gjithë bashkë në shërbim të turizmit!
![](https://scontent.ftia2-1.fna.fbcdn.net/v/t39.30808-6/273753825_309017064588048_414430714311086930_n.jpg?stp=dst-jpg_s600x600&_nc_cat=101&ccb=1-5&_nc_sid=8bfeb9&_nc_ohc=EenpO4ccx4gAX8admaj&_nc_ht=scontent.ftia2-1.fna&oh=00_AT9edd5ufBG7P1m9DA9xxtRdCIvCpVViNvXBWLRplBMWYQ&oe=62190AE5)
![](https://scontent.ftia2-1.fna.fbcdn.net/v/t39.30808-6/s600x600/273742722_309017094588045_4635055513785708782_n.jpg?_nc_cat=103&ccb=1-5&_nc_sid=8bfeb9&_nc_ohc=giSjARMiCrMAX8sHjmd&_nc_ht=scontent.ftia2-1.fna&oh=00_AT-jjfTylEmxPIh7yPmpeKUvJDZ7Kg_UZdkDzjMxslQMpQ&oe=62188B64)
![](https://scontent.ftia2-1.fna.fbcdn.net/v/t39.30808-6/273743856_309017147921373_586216565696305168_n.jpg?stp=dst-jpg_s600x600&_nc_cat=111&ccb=1-5&_nc_sid=8bfeb9&_nc_ohc=c9ew9SMoY5IAX8jA5fy&_nc_ht=scontent.ftia2-1.fna&oh=00_AT-Lt2-oiwb2RkEFw5-M_QEvEPFIDsXIHFTwW2yq4QN0xw&oe=6218982E)
![](https://scontent.ftia2-1.fna.fbcdn.net/v/t39.30808-6/273743837_309017191254702_5043256127218036440_n.jpg?stp=dst-jpg_s600x600&_nc_cat=102&ccb=1-5&_nc_sid=8bfeb9&_nc_ohc=9l59fgwhCRIAX_OMSvy&_nc_ht=scontent.ftia2-1.fna&oh=00_AT_auPQQQtTx1U7F2Ib3zGreIJNe5ITjq1nSWPSvaorCXQ&oe=621871B1)
![](https://scontent.ftia2-1.fna.fbcdn.net/v/t39.30808-6/s600x600/273709461_309017251254696_7310974083317484059_n.jpg?_nc_cat=103&ccb=1-5&_nc_sid=8bfeb9&_nc_ohc=S0g0C5F3oyoAX-5g5fB&_nc_ht=scontent.ftia2-1.fna&oh=00_AT9lFnNnMagSCJb2KgJeqm1ubgwv4wdjA9BzlJYmUb6nfQ&oe=621825CA)