VISIT Gjirokastra – Marka e re turistike e Rajonit!
![VISIT Gjirokastra – Marka e re turistike e Rajonit!](https://prefektiqarkutgjirokaster.gov.al/wp-content/uploads/2022/02/273181661_304426211713800_1902830360958786504_n.jpg)
Prefekti i Qarkut z. Odise KOTE si pjesë e organizimit e Koferencës të Asamblesë së Përgjithshme të operatorëve turistikë të rajonit, në fjalën e tij ka theksuar rëndësinë që mer nisma për krijimin e Markës së përfaqësimit Visit – Gjirokastra dhe ndërveprimi i të gjithë faktorëve ndikues për një zhvillim të qëndrueshëm në këtë lëmi.
Prefekti KOTE ka vënë theksin në dy aspekte: Sfida e biznesit lokal për investime afatgjata dhe të mirëstudiuara me ekspertizë shkencore në zgjerimin fushës së veprimit për operatorët turistikë, paralelisht me kualifikimin e pandërprerë të stafeve menazheriale dhe atyre të shërbimit si instrumenti kryesor për zhvillimin e turizmit dhe të ekonomisë së rajonit dhe së dyti për një qasje të re me Vizion bashkëkohor ndaj projekteve dhe ideve alternative të zhvillimin e turizmit në rajon, pjesëmarrjen në panairet kombëtare e ndërkombëtare dhe sidomos të krijimit të një raporti sa më real midis Kërkesës dhe Ofertës turistike.
Kristina Fidhi si drejtuese e Asamblesë Visit – Gjirokastra, Risi Albania dhe përfaqësues të biznesit vendor kanë diskutuar rreth përvojave, nevojës urgjente për më tepër bashkëpunim e përfaqësim me markën Visit Gjirokastra, si dhe të Potencialit turistik, mundësive e shanseve të pashfrytëzuara nga mungesa e organizimit, diturive dhe eksperiencave të duhura në këtë aktivitet kaq konkurues e sfidues.
Prefekti i Qarkut Gjirokastër, me përfaqësuesin e vet në Bordin prej 9 antarësh do të ketë rolin e kordinimit të të gjithë veprimtarisë të Shoqatës Visit Gjirokastër me më tepër se 80 operatorë turistikë në rajon me Njësitë e Vetqeverisjes Vendore dhe Qeverisë Qëndrore.
Punojmë bashkë për turizmin dhe zhvillimin e qëndrueshëm ekonomik të rajonit!
![](https://scontent.ftia2-1.fna.fbcdn.net/v/t39.30808-6/273300659_304428235046931_4444847479653835270_n.jpg?stp=dst-jpg_s600x600&_nc_cat=103&ccb=1-5&_nc_sid=8bfeb9&_nc_ohc=6t41jXwq-TQAX9oJK6r&_nc_ht=scontent.ftia2-1.fna&oh=00_AT-KYYtTZPZf_YhuyLamsg7oxMJ7Lm8ToWuAq-0qMOQc0Q&oe=6218E883)
![](https://scontent.ftia2-1.fna.fbcdn.net/v/t39.30808-6/273303957_304428305046924_3947568502096497961_n.jpg?stp=dst-jpg_s600x600&_nc_cat=101&ccb=1-5&_nc_sid=8bfeb9&_nc_ohc=BGdI3s-I_lAAX-nJLed&_nc_oc=AQkBj-geZTetq-93cuYBG5hlIxkSFtBOh3t131JPIh7w5neTE1kSmRDCCE8aXlBl5Xk&_nc_ht=scontent.ftia2-1.fna&oh=00_AT--qE5rau4Ou2A6JuxXBvx-myd-A_1AdmbVQxv_gLt5lg&oe=6217FB97)
![](https://scontent.ftia2-1.fna.fbcdn.net/v/t39.30808-6/s600x600/273235465_304428428380245_7979987621864501042_n.jpg?_nc_cat=104&ccb=1-5&_nc_sid=8bfeb9&_nc_ohc=BxBXKYcNvl0AX8lSufB&_nc_ht=scontent.ftia2-1.fna&oh=00_AT8Pm_iIdTIq6xnGUqdRKkex_c_bOfADYcRmAKNn6ogvRg&oe=6218FE03)