Në takim ishin drejtues të bashkive të qarkut Gjirokastër dhe përfaqësues të institucioneve shtetërore ligjzbatuese në nivel rajonal, anëtarë të këtij Komiteti.

Ky takim i Komitetit Rajonal Antitrafik të Qarkut Gjirokastër në analizë të punës së institucioneve ligjëzbatuese kundër fenomenit të trafikimit të qënieve njerëzore, synon:

– Të rrisë nivelin parandalues të fenomenit me pjesëmarrjen direkte të të gjithë faktorëve.

– Të forcojë veprimin ligjor të institucioneve.

– Të rrisë nivelin e kordinimit aktiv ndërmjet Institucioneve në zbatim të Strategjisë së luftës kundër Trafikimit të personave dhe Planit të veprimit.

– Të fuqizojë ndjeshmërinë publike, reagimin e shoqërisë civile, mediave, instucioneve edukative e arsimore për fenomenin e trafikimit.

– Të shërbejë si bërthamë për trajtimin e nevojave sociale e ekonomike që lidhen me arsimin, shëndetësinë, mirëqënien sociale, fëmijët.

– Të miratojë disa ndryshime në Rregulloren për “Funksionimin e Komitetit Rajonal të Luftës Kunder Trafikimit të Personave “

– Të njohë çdokënd me “Planin e Veprimit Rajonal Antitrafik 2021 për Qarkun Gjirokastër.

– Të rrisë nivelin e edukimit ligjor të komunitetit si dhe të krijojë klimën e përshtatshme të punës e veprimit parandalues të fenomeneve.

Trafikimi i personave është sfidë reale që bota e krimit bën ndaj sistemit të vlerave shoqërore e njerëzore, ndaj sistemit të së drejtës dhe respektimit të ligjit, si shkelje e hapur ndaj të drejtave themelore të njeriut, lirisë e dinjitetit njerëzor. Eshtë tregues edhe i përmasës demokratike të çdo vendi, ndaj le të punojmë pa u lodhur për shëndetin e komunitetit ku jetojmë dhe të shoqërisë shqiptare.