108 vjetori i themelimit të Policisë së Shtetit

13/01/202114/01/2021

Policia e Shtetit – 13 janar 2021, 108 vjetori i themelimit!

Në festën e themelimit të Policisë së Shtetit, Prefekti i Qarkut Odise Kote përshëndet veteranët, familjet e dëshmorëve, përfaqësues të komunitetit dhe strukturat e policisë për sakrificat, punën dhe arritjet në lëmi të sigurisë e të rendit.

108 vjet më parë u krijua organizata më e rëndësishme e Shtetit të ri Shqiptar, menjëherë pas shpalljes së Pavarësisë, Policia. Themelimi i Policisë së Shtetit dhe krijimi i Ushtrisë Kombëtare ishin shtyllat kryesore të sigurisë kombëtare.

Në këtë ditë të veçantë zhvillimi dhe rrugëtimi, Policia e Shtetit si Institucion ligjzbatues me të kaluar të lavdishme historike vjen krenare pasi ka kapërcyer e përballuar me sukses sfidat e rritjes, duke u shndërruar polici në shërbim të qytetarit, të komunitetit, të atdheut, Polici me standarte europiane.

Gjithnjë në shërbim të sigurisë së qytetarit – Gjithnjë e gatshme dhe në detyrë!