Prefekti i Qarkut Gjirokastër Odise Kote në takim me Dimitrios Sacharidis, Konsull i Pergjithshem i Greqise në Gjirokaster, Georgios Amyras, Zevendes Ministër i Mjedisit dhe Energjetikes si dhe Nikolaos Eksharho kryetar i bashkisë Konicë, ka kërkuar më tepër bashkëpunim, vëmendje e projekte të përbashkëta nga programet e B. Europian për dy lumenjtë Vjosë e Drino, shkëmbim informacioni mbi situatat mjedisore e të ekosistemit, monitorim të situatës të shtretërve të lumenjve si dhe respektim të konventave ndërkombëtare.

Me përfaqësuesit grekë u nda i njëjti vizion për studime e projekte konkrete të përbashkëta ndërkufitare, projekte të financuara nga B. Europian në interes të ruajtjes së “virgjërise” sê dy lumenjve, zhvillimit të ekonomive lokale, të turizmit dhe ambientit.