Të pranishëm në këtë takim ishin kryeinspektoria e Përgjithshme znj. Vjollca Braho, drejtues të institucioneve vendore përgjegjës në fushën e inspektimeve shëndetësore dhe ekipi i përbashkët i inspektorëve shëndetësor nga Kosova dhe Gjirokastra.

Në fjalën e tij, Prefekti i qarkut Z. Kote uroi mirëseardhjen kryeinspektorëve të Përgjithshëm Kosovë-Shqipëri si dhe vlerësoi se ky bashkëpunim dypalësh mes dy inspektoriateve do të ndikojë pozitivisht në rritjen e performancës në fushat me interes të dyanshëm në shëndetësi.

Ndër të tjerash, Prefekti i qarkut bëri një prezantim të menaxhimit të situatës Covid-19 në qarkun Gjirokastër duke përmendur dhe punën e mirë nga të gjitha institucioneve përgjegjëse.

Më tej, ekipet e inspektorëve shëndetësor Kosovë-Gjirokastër vazhduan me inspektime të përbashkëta në subjektet akomoduese dhe në qendrat shëndetësore në bashkinë e Gjirokastrës për të parë gatishmërinë e tyre në ofrimin e shërbimeve të hotelerisë dhe aty shëndetësore për qytetarët edhe për turistët, për një sezon turistik veror të sigurt e të shëndetshëm.